Diary Of Arabian Spring Chaos Train In Egypt (Day 90)
September 23, 2012
*****
الاغلبيه المطحونه .. تنادى .. فيه حد بيسمع .. فى بلادى
رغيفُ ..ن .. هو املــى
مانجتُ.. ون .. هى تطلعاتــى
فوولُ .و ن .. كل حياتــى
مطحونن ياولدى مطحونن
واااااااااه .. اى حــــد
اى حــد مسئول عن 91 مليون مصرى .. اى حد يقدر يتحمل المسئوليه .. ويرفع عنا الظلم .... مش الدعم
يتم طحن المصريين يوميا .. وضربهم فى الخلاط .. لاستخلاص .. شعب جديد مؤهل لعصر النهضه
فى عصر مبارك كانت نكتة الكوبرى .. ونكتة كيف تحكم شعب
وفى عصر .. بسم الله الرحمن الرحيم .. الان .. نسينا .. مجرد الابتسامه
طحن فى كل مكان ومجال
ايوا .. خلص وللابد العصر الفاسد مع تخلى مبارك .. وبقينا كلنا ملايكه
لا فى رشوه فى اى مكان .. ولا محسوبيات خالص ..
وزمان كان فى وسايط
بس الحمد لله فى عصر الــ .. بسم الله الرحمن الرحيم .. الكل يوفى بالكلمه بس
كانت بلدنا .. تحيطها الزباله من كل جانب .. وشبكة صرف صحى منفجره فى كل المحافظات ..
وكهرباء مقطوعه .. وفواتيرها عاليه !!؟
والشوارع زحمه جدا من السير العكسى واللى فارشين فى الشارع فى اى حته
اما دلوقتى .. الحمد لله .. ننزل الشارع .. الكل ملتزم فيه والعربيات فى خط سيرها الطبيعى
ومفيش حد مخالف خالص .. ومافيش زحمه .. حتى بالاماره .. لما نمشى جنب محطة بنزين ..
بنمشى بسرعه خالص علشان الشارع فاضى ..
والبركه طبعا فى الرخاء اللى احنا فيه .. من ساعة لما مسكنا .. الــ .. بسم الله الرحمن الرحيم
دا حتى من كتر الرخاء اللى احنا فيه .. مش عارفين نصرف فلوسنا فــ ايه
خلاص عندنا كل حاجه .. .. اااااااااه .. والحمد لله
كان مبارك .. اللى سارقنا زمان .. معيشنا فى ازمات اقتصاديه مكرره
وكانت تجارتنا متوقفه مع العرب والغرب
وكانت سياستنا زى الزفت مع دول العالم كله
وكانت الصحه عندنا .. اوبئه وامراض لكل مصر
والتسمم منتشر .. حتى فى مية الشرب
حتى الكوره .. كنا بنخرج من التصفيات الاولى
اما الان فى عصر النهضه .. الحمد لله .. ومن ساعة الــ .. بسم الله الرحمن الرحيم .. ما مسكنا
واحنا .. الاقتصاد .. الاقوى بين الدول العربيه
التجاره منفتحه على العالم كله .. حتى اسألوا .. حماس .. اه والله !!
والسياسه مع العالم كله .. والرياده المصريه .. مفيش بعد كده ..
دا حتى بتليفون واحد .. من الــ .. بسم الله الرحمن الرحيم .. ممكن يحل اى مشكله طارئه .. تصادف
وتحل بالبلد .. تخيلوا ..
اما عن صحتنا .. الحمد لله .. اصبحنا بفضل التوجيهات .. بنمشى كتير .. والمشى رياضه
مش عشان الشوارع زحمه .. لاسمح الله .. او مافيش حاجه نركبها .. والعياذ بالله
بس تطبيقا لتوجيهات .. الــ .. بسم الله الرحمن الرحيم .. بعدم التبذير
لان طبعا .. زى ماكلنا عارفين .. ان المبذرين .. اخوان الشياطين
وماننساش طبعا بالمره .. ان كلنا بقينا بنغسل رجلينا قبل النوم .. منعا للامراض وخلافه
يعنى الحمد لله باختصار .. عايشين فى نعم ورغد .. ولا ساعة حتى من حكم الطاغيه المفترى علينا مبــارك
دا حتى لو تفتكروا كان مبــارك بيعتقل المعارضين .. وبيقفل لهم الصحف والقنوات بتاعتهم
لكن دلوقتى الواحد .. يقدر يقول الكلمه بحريه .. من غير خوف
او حتى يتقبض عليه .. حتى اسألوا عكاشه .. هو عارف .. اااااه والله
دا حتى البلطجيه والارهابيين اللى كانوا ماليين الشوارع .. بتوع مبارك وجمال والحزب ورجال الاعمال
الحمد لله .. بنمشى فى الشوارع دلوقتى .. ومش بنشوف ولا مخدرات ولا ارهاب ولا بلطجه ولا حاجه خالص
وكله .. ببركة الــ .. بسم الله الرحمن الرحيم .. من ساعة ما مسكنا
عموما .. مبـــــــــارك .. عليكم .. عصر النهضه
وربنا يخلى لنا .. الــ .. بسم الله الرحمن الرحيم .. لغاية ..النهضه الكبرى بحــــــــــق
دا حتى الواحد بقى بيشرب النهضه من الحنفيه .. مش عارفين نوديها فين
ااااااااه والله
دا حتى المانجه .. اللى بناكلها .. اساسى زى الرز والشاى .. بقت رخيصه
وبقينا بنعملها صلصه بدل الطماطم
حقا .. انه طريق النهضه المرسوم .. فى دماغ ..فكرى .. بس يظهر .. ان فكرى .. خرج ولم يعد .. ولن يعد
يا حاكمنا .. بالله عليك .. يامسلم ..
ابـ هكذا .. فكر .. تُدار الاوطان !!؟
حسبى الله ونعم الوكيل .. فى كل من يتعمد تدمير بلدى
حسبى الله ونعم الوكيل .. فى كل من يتعمد الاساءه لبلدى
حسبى الله ونعم الوكيل .. فى كل من يتعمد اسقاطه
حسبى الله ونعم الوكيل .. فى كل من يعرف الحق .. حقا .. ويرفض اتباعه
من يعرف الباطل .. ويرفض الوقوف فى وجهه
مبـــــــــــــــــارك ..
اتعبنا تخليك .. وان كنا نُقدره
اتعبنا بعدك عنا .. وان كنت تُفضله
كنا اغلبيه صامته .. والان .. اغلبية .. منتظره فرج الله علينا
واثق بالله .. انه ليس ببعيد
حسبى الله ونعم الوكيل ..
مشيــــــره
0 comments:
Post a Comment
Write Comment As Anonymous