Diary Of Arabian Spring Chaos Train In Egypt (Day 114)
April 6
*****
حكــم سئيــل الندمــان
بمنطــــق .. _______
انــا ومن بعــدى .. الطوفـــان ..
هــــــو .. فى حد زعـــلان !!!!؟
منطـــق البيطــرى الكبيــــر
عندما يضحى بالنعجــــه ليعيــش الخــروف
ومنطــــــق
ايه المشكله لما نضحى بالام والجنين .. عشان الاب ياخد راحته
ايه المشكله لما نقطع الكهربا شويه ويموت شوية اطفال فى حضانات او شويه على اجهزة غسيل كلى او اى حالات طارئه .. طالما ان باقى الشعب هايعيش
ايه المشكله فى نقص السولار والبنزين وتهريبهم للعشيره .. والناس تعمل مشاكل فى المحطات وتموت بعضها .. وباقى الشعب يعيش
ايه المشكله فى تعيين كوادر كلها من الاخوان واهمال باقى الكفاءات .. عشان الشعب يعيش
ايه المشكله فى قتل كام واحد فى المظاهرات وكام بلطجى ونقول عليهم شهدا .. وباقى الشعب يعيش
ايه المشكله فى قتل جنودنا فى رفح والتضحيه بهم وعزل قيادات الجيش بعدها .. عشان الشعب يعيش
ايه المشكله فى التضحيه بكام واحد عند الاتحاديه .. وباقى الشعب يعيش
ايه المشكله فى التضحيه بكام واحد عند مدينة الانتاج او مجلس الوزراء او ماسبيرو .. عشان الشعب يعيش
ايه المشكله فى الحكم باعدام كام واحد .. فى قضية الكره .. والتضحيه ببورسعيد .. عشان الشعب يعيش
ايه المشكله لما نضحى بكام طالب فى الازهر .. عشان نمرر مشروع الصكوك وباقى الشعب يعيش
ايه المشكله فى محاولة تلويث سمعة اقوى اجهزة المخابرات واللعب فيها عشان خاطر حبيبنا البلتاجى يلعب بيها شويه
ايه المشكله انه يترك سينا لحماس ونترك حلايب للسودان وبالمره السلوم ومطروح للناتو .. احسن مايضربونا وياخدوها .. علشان العشيره تعيش
طيب ايه المشكله لما البلد تبقى من فقر الى فقر ومن سواد الى سواد علشان الاهل والعشيره تعيش
ايه المشكله ..
هو مش شايف اى مشكله خالص فى مصر
واحاديثه على المستوى الدولى ان مصر تعيش ابهى عصورها والدنيا وردى
والنهضه .. نهضت .. ومن كُتر نهضتها .. احنا اللى وقعنا .. ومش قادرين ننهض
بس الاكيد .. الاكيد .. اننا احنا اللى مش عارفين نعيش
الفقر والجوع والغلاء والجفاف والكهرباء والامراض والتسمم ..
الاصابع القذره الخارجيه التى تلعب فى مصر هى اصابع ترتدى قفاز الاخوان والمتأسلمين والذين اساءوا لمصر وشعبها وديننا الجميل
شاشة الافق لديكم .. ضبابيه .. سطحيه واضيق بكثير .. مما نراه نحن
حفظنا الله من شركم .. ومن شر اعدائنا
وحفظ مصر من كل سوء
مشيـــــــــــره
0 comments:
Post a Comment
Write Comment As Anonymous