Diary Of Arabian Spring Chaos Train In Egypt (Day 73)
May 18, 2012
*****
الاغلبيه السائده .. الاغلبيه الواعيه اغلبيه ترفض المتناقضات .. واهلها !! 73
*****
يُزهق الروح .. حين البوح .. متلون بألف وجه وروح
د. عبد المنعم ابو الفتوح
يحمل فى طيات نفسه .. والظاهر فى تصريحاته ..التناقض اللى يخليك تخبط دماغك فى اقرب حيطه .. ومش هاتقدر تغمض عينيك
يقود مظاهره من التحرير للعباسيه للمشاركه فى الاعتصام ضد المجلس العسكرى والمناداه بسقوط حكم العسكر .. ويعلن تعليق حملته الانتخابيه .. وما ان وصل للعباسيه .. يترك تابعيه فى العباسيه .. ويختفى ..
واول بيان له بعد احداث العباسيه .. يجب على المجلس العسكرى التحقيق والقبض على المحرضين والفاعلين الاصليين فى احداث العباسيه ..
ألم تكن ابا الفتوح من ضمن المحرضين !!
طيب بلاش دى .. عمرك شوفت مرشح لرئاسة الجمهوريه
يقود مظاهره ضد جيش بلده !!
هل .. لا قدر الله لونجحت فى الرئاسه ..اليس هذا الجيش هو من سيعطيك الشرعيه والقوه اللازمه لترسيخ فترة حكمك وتنفيذ برنامجك الانتخابى الاصلاحى . ان وُجِد !!
ام ان اعتمادك الاساسى والرئيسى سيكون على الجناح العسكرى للجماعه وشورى الجماعه .. !!
تقول فى كلماتك ودليلى باليوتيوب .. موجود ..
ايام فوضى يناير للجزيره .. " على الجيش ان يُشكل حكومه وحده وطنيه .. وطنيه .. بقياده شخصيه وطنيه .. وخد بالك من الكلمه دى .. ولتكن بقياده .. عمر سليمان "
هذه كلماتك .. ثم فى مقابله اخرى .. مع الحياه ترفض وبشده اعطاء اى صوت مصرى لاى من بقايا النظام القديم و" ان النظام كله مجرم بحق مصر وعليهم ان يبحثوا عن اقل زاويه بالمجتمع ليتوبوا الى الله عن اقل جريمه ارتكبوها "
واقول:
ان اخطئوا وتابوا واصلحوا .. لهم غفران الله وعدا من رب العالمين
إِلَّا مَنْ تَابَ وَآمَنَ "
وَعَمِلَ عَمَلًا صَالِحًا فَأُوْلَئِكَ يُبَدِّلُ اللَّهُ سَيِّئَاتِهِم حَسَنَاتٍ
" وَكَانَ اللَّهُ غَفُورًا رَحِيمًا
ولكـــــن الله عز وجل
لم ولن يسامح اى متاجر بالدين يحلل الحرام ويحرم الحلال ..لـ مصلحته ومصلحة جماعته فقط
اذا .. فذنبكــــم الاعظـم .. يا من تتشدقون بالاسلام
واسأل اهل الحلال والحرام بالبرلمان .. وسلم لى على البرلمان
فى لقاء اخر مع قناه اسرائيليه .. تنكره انت .. وموجود على اليوتيوب ..
انك تدعم الوجود الاسرائيلى .. وتوافق عليه .. بل وتوافق على احترام كامب ديفيد معهم
بينما التناقض الصريح مع المنافق عمرو الليثى فى 90 دقيقه على المحور .. ترفض حاجه اسمها اسرائيل وتخشى من تأثيررأيك المبجل على غالبية الشعب المصرى
ياحرام .. لا بجد .. هانراجع وجهة نظرنا فى اسرائيل .. فكذبهم لمصلحتهم دائما .. ونحن جميعا نعلم ذلك .. اما ان تكذب انت على شعبك .. لو لا قدر الله وبقيت .. رئيس لهذا الشعب .. فكذبك هنا حلال وابيض ولا ضرر منه ابدا .. واسألوا البرلمان ايضا فهو المرجعيه فى هذه الاقوال
فى معرض حديثك عن عصيان الطلاب بعد احداث بورسعيد .. كنت قلبا وقالبا مع تدرجات التظاهر وحتى العصيان المدنى وتعطيل العمل .. لا مانع حتى تحقيق الهدف .. وهذا مع المتلونه ( منى الشاذلى ) .. محذرا من البعبع الدائم .. بلطجية النظام والحزب والفزاعه الدائمه اللى بتضحكوا بيها على الشعب الطيب .. وتستتروا ورائها بجرائم كلنا عارفين مرتكبيها
بينما التناقض الصارخ .. ورفضك التام للعصيان المدنى لحركة الطلاب بكافة اشكاله وربنا يهديهم والبلد مش مستحمله والكلمتين اللى مغموسين بالعسل للاستهلاك اللى كلنا عارفينهم .. فى لقائك مع مراسل اليوم السابع بالفيديو .. وليس من تخيلاتى
مع د.أبو الفتوح مكس .. كل حاجة والعكس
http://www.youtube.com/watch?v=EwZnh9ccPxY&feature=share
هذا عنوان اليوتيوب وبه التجميعات كلها بكل المتناقضات انسخوه وضعوه باليوتيوب واتفرجوا ولتُزهق اراوحكم مع بوح .. ابو الفتوح .. ولكم تحيات .. مرشح الرئاسه لمصـــــــــــــــــر
اما اهم ماظهر فى المناظره مع عمرو موسى .. كانت العصبيه .. والاهتزاز .. والاتهام .. وكأنك تُخاطب جهلاء بالتاريخ
السادات باع مصر باتفاق كامب ديفيد .. وبالتأكيد رد عليك الكثير من شرفاء هذا البلد
وابسط رد يادكتور .. اين انت من السادات .. واين تاريخك منه .. كل تاريخك وانجازاتك كانت فى امانة الاطباء العرب .. وتوزيع مواد الاغاثه ببلدين تلاته .. صح!
اهم انجازاتك .. كان الوقوف امام السادات والمجادله له بفظاظه .. وادبك السادات .. بالادب وقانون العيب .. وهل صحيح يادكتور لو كنت امام والدك .. كنت هاتتكلم معه بنفس الاسلوب والطريقه ؟؟ سؤال كان من السادات لك .. ولم تُجب عنه !!!
هذا تاريخك .. مع طبعا بعض المحاضرات الجهاديه بافغانستان .. وكله على اليوتيوب وانا لا اتهم او اتكلم كلام مُرسل
حتى ترشحك للرئاسه .. انت تقول اه .. والجماعه تقول لأ .. وتمثيلية الفصل من الجماعه .. وترشيح الشاطر ومن بعده مرسى .. وكله لمصلحة المرشد
هل يادكتور لو لاقدر الله واصبحت رئيسا .. لن تُفرط فى سيناء للحمساويه !!
ولا تشوف الجماعه الاول وتشورهم وبعدين تاخد القرار
وردك على مجدى الجلاد المخلوع عندما سألك هل لو وصلك تقرير باقتحام الفلسطينين للمعبر وتعديهم على الحدود .. ماذا تفعل .. ورددت بانك سوف تقدم صاحب التقرير للسجن
ونعم الديموقراطيه يادكتور .. طيب افتكر الرئيس مبارك اتصرف ازاى .. واتعلم منه
عموما يادكتور لو لاقدر الله واصبحت رئيسا .. بالتأكيد .. سيتركك الجيش فريسه سهله لاصحاب التحرير .. فمثلك .. ليس جديرا بحكم بلد بحجم مصر .. تطلِع على اسرار امنها القومى .. وتهديها على طبق ذهب للمرشد .. ومنه للمرشد الاعظم
ووجهك والذى هو وجه من وجوه العمله الاخوانيه .. لايمكن بأى حال من الاحوال ان يكون حاكم لمصر .. فمصر اكبر منكم بكثيــــــــــــــــــــــــــــر
كنت مؤسس للجماعه الاسلاميه وتقولها فى المناظره بكل فخر .. وانها سلميه منذ نشأتها ولم ترتكب اى جرائم .. بل من اهدر دماء المصريين كان مبارك ونظامه ..
سبحان الله .. مع ان انشاء الجماعه لم يكن فى عصر مبارك .. ولكنها الاسطوانه المشروخه
مبارك وجمال وعلاء ورجال الاعمال والحزب المنحل .. ولا ننسى السيده الفاضله سوزان مبارك .. من خارج الاسوار .. هو مفيش تجديد .. زهقنـــــــــــــــــا
فكل تاريخك منذ وقوفك امام السادات .. مرورا باحداث الفنيه العسكريه .. واسيوط وكل جرائم الجماعات .. وصولا لاغتيال السادات ومن بعده الارهاب بمصر والهجوم على محلات الذهب وحرق الاقباط والاغتيالات وافتكر يادكتور .. شيماء .. طفلة ابتدائى مقريزى.. مصر الجديده .. ثم التعاون الفج مع عناصر حماس وايران وحزب الله .. وخروجكم من المعتقلات للحكم .. حلم صعب تحقيقه
عليكم وحدكم .. رد الفواتير لهم .. وليس لنا ذنب بخيانتكم لبلادنا وديننا الذى تتاجرون به
فلتذهبوا وحدكم بمرشدكم .. لمشعل وهنيه ونصر الله وحمد ونجاد .. لتعلنوا هناك .. فشلكم
ولكم دينكم ولي دينِ
وانتظروا يوما تُرد فيه الحقوق لاصحابها
ولكم فى مجلسكم بالبرلمان .. عِبره
اتقوا الله فى مصر .. واتقوا الله فى انفسكم
وراجعوا ايات الله فى قرآنه الحكيم .. وليس ايات الله فى ... ايران
لعل الله يهديكم
وارحمونا .. كفايه اللى احنا فيه .. وكفايه علينا منكم
مجلسكم الموقر .. مايبقاش كله ضرب كدا
حفظنا الله منكم ومن كل من يريد الاذى لمصر
واللهم احفظ مصر بأهلها الشرفاء
مشيــــــــــره
0 comments:
Post a Comment
Write Comment As Anonymous