Diary Of Arabian Spring Chaos Train In Egypt (Day 34)
November 20, 2011
*********
الاغلبيه الصامته.... الاغلبيه السائده. مبارك. اين انت؟؟ العادلى ولا يوم من ايامك 34
*********
كابتن ... هو كله ضرب ... مفيش شتيمه
نزلت امبارح الجمعه 18 واتمشيت فى الشارع ... وكان الشارع شبه مدرسه بدون الناظر والمدرسين ..والفصول بتهجم على بعضها وكله بيضرب فى كله .. وكأن الجمعه هو يوم الانتقام المصرى ..بس من مين!!!؟
عاوزين نقل السُلطه !! بس ياترى ايه هى السَلطات!!؟
معندناش مانع من نقل السلطه .. بس لمين!!؟ وعلى اى اساس!!؟
مجلس رئاسى مدنى ..لازم له انتخابات ..وانا اول واحده ارفض الاسماء المطروحه الطامعه فى بلدى ..مين على الساحه ينفع نسلم له السُلطه فى مصرمن الاسماء المعتاده مؤخرا...الاخ حازم ليس حازم ويطالب انصاره ومرتزقته بالاستشهاد امام الجيش .. هل هذا رئيس جمهوريه ..ام رئيس مراجيح المولد.. الاخ البرادعى ..كلكم عارفين مش عاوزين نبقى مصر الامريكيه ..حتى فى امريكا ضرب وسحل وعنف ..بس هناك ..رضى الله عنهم ..والشرطه بتاعتنا هم حُراس السيد ابو لهب وليسوا درع امان لبلدى الحبيب..مين تانى المزور ايمن نور..حتى يبقى عيب علينا لما يبقى رئيسنا مزور..عمرو موسى ..ولاننسى له تسليم ليبيا مؤخرا..جماعة 6 ابريل..طبعا كلنا وقتها هننعزل عن بعض والابن يطالب بتنحية ابوه..العوا..اقول له كنت عالم جليل ..خليك زى ما انت.. صفوت حجازى ..مش قادره اقول غير ان المنافق فى الدرك الاسفل من النار..عمرو حمزاوى واتباع الجنسيات المزدوجه..انتماء غير مصرى ..مجموعات الشواذ.. طبعا كلكم عارفين الرد ..مين تانى المنتقبه التى تريد السواد للمصريات..اقول لها الدين يُسر..وديننا معتدل وجميل ولكل العصور..
عيب والله قوى اللى بيحصل فى مصر
الاخوان..من جماعه محظوره الى جماعه قويه فى الساحه الى حزب الحريه والعداله الى استعراض للقوه بحشد الامس ولكن كل هذا لايرهبنا..كلنا مسلمون وكلنا يعرف الله جيدا ومنا من لايعرفه ولذلك وُجدت النار والجنه
كل جمعه يرسل لنا ميدان التحرير برساله .. ورسائله اما مصلحه شخصيه او مصلحه لجماعة ما او محاولة الذهاب بمصر الى الاسوأ..وهاهى اخر رسالة ...وقريبا فى اول يناير..تجمع المثليين والشواذ بالتحرير...هنيئا لكم فوضتكم اصحاب ثورة اللوتس
هنيئا لكم من بعد " حين ميسره " و" رامى الاعتصامى " و" دكان شحاته " والمخططات الواضحه لما حدث بمصر يوم 28 يناير..والمثليين والشواذ بتلك المخططات الاجراميه..هنيئا لكم مزدوجى الجنسيه ..فاقدى المصريه ..ذوى المصلحه الشخصيه وتنفيذ اوامر الاسياد
هنيئا لكم من باع العراق وليبيا وتخلى عن تونس ويبحثوا الان فى امر سوريا
ولكن بشده وبحزم
نقول للجميع ...واتحدث عن نفسى اولا ..ثم ..من يصادق على كلامى
نحن الاغلبيه ..لم تعد صامته..لم تعد ساكنه ..لم تعد تجلس على الكنبه..لم تعد منزويه فى انتظار من يحركها
نحذركم وبقوه ..ايها المرتزقه..ايها الخونه .. ايها العملاء..ويا كل من باع ذَره من تراب الوطن الغالى
احذروا .. احذروا.. احذروا
نحن نحترم الشرعيه ونحترم كل من يحافظ عليها فى الشرطه والجيش ونقف معهم ووسطهم وخلفهم وامامهم وخلالهم ونتصدي لكم وبشده
ونطالب الان مجلسنا العسكرى باتخاذ اللازم لتطبيق الاحكام العرفيه..وسنكون اول من يساند المجلس فى ذلك ..نطلبها وبكل قوه وحزم وسرعه
آآآآآآآآآآآآآآآن الاوااااااااان لهذا القرار..
مجلسنا العسكرى..نؤيدكم وبكل شده فى ادارة البلاد حتى تسليمها لاداره مدنيه..
و حتى ظهور رابط جأش هذه المصــــــــــــــــــر . . وكابــــح جمــــاح طامعيها فنحن ايضا معكم ..وبكل قوه
تحيه لكم على حكمتكم وصبركم..ونرجو منكم سرعة المحافظه علينا..وتنفيذ قسم الولاء الذى اقسمتم عليه...ونحن معكم نساندكم بكل قوانا
ياااااااااااارب احفظ مصـــــــــــــر
ياااااااااااارب احفظ مصـــــــــــــر
مشـــــــــــــيره
