Diary Of Arabian Spring Chaos Train In Egypt (Day 98)
November 5, 2012
****
الاستراتيجيه العياطيه .. وخلطة ام ايمن الذكيه الدستوريه ..
فى ادارة الدوله العبيطه .. العميقه .. سابقا
الادوات :_
نعم .. لا .. فاسدين .. حلم الحليم .. مالناش دعوه بمصر
اربط .. القرار .. مطرح مايقول المرشد
احرق دم الشعب .. وشوف هما عاوزين ايه .. واعمل عكسه
تلك كانت الادوات .. أما التنفيذ :..
فـ يعتمد على شماعه رئيسيه لكل الاخطاء .. " وطبعا كل حاجه .. اخطاء " .. وهم :..
الرئيس مبارك .. جمال .. علاء .. النظام القديم .. رجال الاعمال السابقين .. الحزب الوطنى
الفلول .. وطبعا .. اصبحنا الان .. دولة الاخوان .. ومعارضيهم الفلول
فــ هل خرجت سياسته .. منذ توليه .. عن هذا الاطار !!؟
منذ الحنث بالقسم .. مرورا بالاصطدام مع الدستوريه وعودة المجلس البرلمانى الاخوانى
وحرمان المصلين من الصلاه ايام الجمعه .. وكم الحراسه .. الرهيب .. والاسراف المتعمد للمال العام
والطله البهيه .. مع كل ميكرفون يلاقيه .. ويعطينا .. دروس .. غير مجبرين على سماعها
والقرارت المتناقضه والتى يحتار فيها العقل .. هل هذا الرجل مصرى .. ولا منين !!!؟
تعالوا بقى .. نحاسبه على قرار او منطقيته
الفساد والفاسدين ياجماعه .. دى منظومه كبيره
طيب انت عملت ايه .. ما البلد معاك وتحت امر قراراتك من شهر يوليو
اصل النظام القديم .. والاسطوانه المشروخه اياها
دى انبوبة الغاز بتتكلف .. والدعم عليها .. ايه ياعم .. انت ليه بتمن علينا
ده حقنا فى بلدنا .. وانت فين من تصدير الغاز لليهود يا عياط
ماتلاقيش رد !!
طب فين الوعود .. والبرنامج الانتخابى والمائتى مليار
تلاقى .. ودن من طين .. ونويت اصلى .. الله اكبر
طب فين المليارات المنهوبه .. ونصيب المصريين منها .. والرغد والفيلات اللى هانعيش فيها
تلاقى .. زياره للخارج .. وشو اعلامى .. وكأن مارلين مونرو .. وصلت مصـــــر
طب الامن والامان
احنا حررنا مخالفات قد كدا
طب العيش .. اصل الدقيق فى السوق السودا .. ودى عصابات
طب العيشه .. اقولكم على مشروع حلو .. انزلوا اكنسوا الشوارع .. وشيلوا الزباله .. وهى هاتبقى بمبى
طب الارهابيين .. لا يا جماعه .. دول ناس فاهمه غلط .. وانا طلعتهم من المعتقلات .. علشان يفهموا .. ويفهمونا الصح
طب الجيش .. انا القائد الاعلى .. وقائد نسر .. وسيناء على وشك الضياع
طيب الدماء الغاليه برفح .. الله يرحمهم .. عارفين دول لو كانوا فى التحرير ولا قدام ماسبيرو
كنا صرفنا لهم مكافأة الشهيد اللى ناقشوها فى مجلس شورى الشعب السابق .. وكانوا عاوزين يوجهوا دخل قناة السويس لشهدائهم
ياربـــــــــي .. هو فى كدا .. هو فى ناس بتفكر كدا .. هو فى رؤساء نزلوا السوق جديد واحنا مانعرفش
ايه يامصريين .. هو فى ايه !!؟
علاقات عسل فى عسل مع اليهود .. ويطلع النافى الرسمى للرئاسه .. ماحصلش
دا اعلام فاسد .. مع انه الاعلام الاسرائيلى
وتكفير المصريين .. على كافة القنوات .. اعلام حلو
والتشهير بنا فى كل القنوات .. اعلام زى الفل .. لا غبار عليه
كل هذا .. ونحمد الله .. على صبر .. حليم علينا .. او يغنى لنا .. جبــــــــــار
السيد .. سائق قطار الربيع المدمر .. بمصر
زهقنا .. وتعبنا .. ولم نعد نستطيع تحملكم .. وعملائكم
احترق قطارك .. بارض المحروسه .. على الرغم انك على سدة الحكم
ولكنه .. الامهال .. وليس الاهمال
فــ كما قال رب العزه :
(نمتعهم قليلاً ثم نضطرهم إلى عذاب غليظ )
فــ الحليم .. نحن .. فــ اتقوا غضبتنا .. لانها اوشكت
فــ كرامتنا .. غاليه
رؤوسنا .. شامخه
وهاماتنا .. عاليه
ولا .. ولن .. نركع .. الا لله عز وجل
حفظ الله مصر .. منكم وامثالكم
مشيـــــــــره
0 comments:
Post a Comment
Write Comment As Anonymous